اسلام آباد۔21مارچ(اے پی پی)افغان صدارتی انتخاب اچ ڈوجھی واری تاخیر دا اعلان کرڈتا گئے۔ افغان صدارتی انتخاب کیتے پہلے20 اپریل اتے ولا 20 جولائی رکھی گئی ہئی جیہڑی ولا تاخیر دا شکار تھی گئی اے اتے ہنڑ انتخابات کیتے نویں تاریخ 28 ستمبرمقررکیتی گئی اے،اے فیصلہ امریکا طالبان مذاکرات توں بعد کیتا گئے تاں جو لمبی جنگ مُک سگے۔افغان صدر اشرف غنی دا حکومتی فیصلے دا خیر مقدمک کریندے ہوئے انڈیپنڈنٹ الیکشن کمیشن (آئی ای سی) نال مکمل تعاون دی یقین دہانی کرائی اے۔خبرایجنسی اے ایف پی دی رپورٹ دے مطابق انڈیپنڈنٹ الیکشن کمیشن (آئی ای سی)اے اعلان امریکا اتے طالبان وچال 17 سالہ جنگ مکاونڑ کیتے مذاکرات توں بعد کیتے جیندا مقصد طویل جنگ مکاونڑ اے۔افغان صدارتی انتخاب شیڈول دے مطابق 20 اپریل کوں تھیونڑا ہا جیہڑا 31 دسمبر 2018 کوںتبدیل کریندے ہوئیں 20 جولائی تئیںم دی تاریخ رکھی گئی ہئی بھل ہک واری ول ایندے اچ توسیع کریندے ہوئیں 28 ستمبردی نویں تاریخ ڈتی گئی اے۔آئی ای سی موجب انتخابی قانون تے چنگے عملدرآمداتے ووٹرزدی رجسٹریشن سودھی شفافیت کیتے صدارتی انتخابات، غزنی دے پارلیمانی انتخابات اتے صوبائی کونسل دے انتخابات 28 ستمبرکوں تھیسن۔آکھیا گئے جو انتخابات اچ بہوں وڈے مسائل ہین جیہڑے اتنے تیکھے نئیں کرائے ونج سگدے۔آئی ای سی انتخابات دی تکمیل کیتے حکومت اتے عالمی برادری دے نال نال بئے فریقاں توں وی ویلھے تے فنڈز جاری کرنڑ دا مطالبہ کیتے۔مبصرین موجب اے انٹخابات نویں تاریخ تے وی تھیندے نئیں ڈسدے کیوں جو حالی افغانستان اچ پچھلے سال اکتوبراچ تھیونڑ آلے پارلیمانی انتخابات دے نتیجے وی جاری نئیں تھی سگیے۔
