الیکشن کمیشن رکن قومی اسمبلی خواجہ سہیل منصور دے خلاف شوکاز نوٹس دی سماعت 2 اپریل تئیں ملتوی کر ڈتی

اسلام آباد ۔ 21 مارچ (اے پی پی) الیکشن کمیشن خواجہ سہیل منصور دے خلاف شوکاز نوٹس دی سماعت 2 اپریل تئیں ملتوی کر ڈتی۔ خمیس کوں چیف الیکشن کمشنر جسٹس (ر) سردار محمد رضا دی سربراہی اچ ترائے رکنی بینچ ایم کیو ایم پاکستان دے رکن قومی اسمبلی خواجہ سہیل منصور دے خلاف فارم 45 اچ رد و بدل کرنڑ متعلق شوکاز نوٹس دی سماعت کیتی۔ خواجہ سہیل منصور ولوں او کود یا انہاں دا وکیل پیش کائنی تھیا جڈاں جو خواجہ سہیل منصور الیکشن کمیشن کوں ڈاک دے ذریعے جواب جمع کرائے جیں اچ خواجہ سہیل منصور استدعا کیتی جو انہاں دے خلاف شوکاز نوٹس واپس گھدا ونجے ۔ الیکشن کمیشن کیس دی سماعت 2 اپریل تک ملتوی کر ڈتی۔