اٹلی؛میلان اچ سکول بس اچ51بالاں کوں کٹھے ساڑن دی کوشش ناکام، بالاں کوں بچا گھدا گئے

اسلام آباد۔21مارچ(اے پی پی)اٹلی دے شہر میلان اچ سکول بس اچ51بالاں کوں کٹھے ساڑن دی کوشش ناکام بنڑا تے سارے بالاں کوں بچا گھدا گئے۔بس ڈرائیور بالاں کوں بدھ تے کٹھے ساڑن دی کوشش کیتی،ہک بال ولوں ٹیلی فون تے اطلاع توں بعدپولیس دی فوری کارروائی،بالاں کوں معجزاتی طور تے کڈھ گھدا۔خبرایجنسی اے ایف پی دی رپورٹ دے مطابق سیکنڈری اسکول دے سال دوم دے 51 بال کھیڈاں دے ہک پروگرام توں ولیے آندے ہن اتے انہاں دے نال ترائے اہلکار وی نال ہن بھل رستے اچ ڈرائیور بس کوں روٹ توں ہٹاتے بئی جاہ تے گھن گئے اتے بالاں کوں یر غمال بنڑاونڑ دا اعلان کیتے ۔بس ڈرائیورکولوں پیٹرول دے ڈو کنستر اتے ہک سگریٹ دا لائٹر ہا۔ڈرائیور بالاں کولوں موبائل گھن گھدن اتے انہاں کوں بجلی دی تار نال بدھ ڈتے بھل ہک بال اپنڑے فون تے اپنڑے والدین کوں اطلاع ڈیونڑ تے کامیاب تھی گئے جیں پاروں پولیس کوں ویلھے سر کارروائی دا موقع مل گئے۔پولیس فوری کارروائی کریندے ہوئیں بس کوں سڑک تے روک کے بس اچ بھاءبھڑکنڑ توں پہلے ہی بالاں کوں کھڑکیاں تروڑ تے کڈھ گھدے۔میلان دے پراسیکیوٹرفرانسیسکوگریسودا آکھنڑ اے جو واقعے اچ دہشتگردی دا امکان مسترد نئیں کیتا ونج سگدا،اے ہک معجزہ ہی اے کیوں جو کوئی وڈا سانحہ وی تھی سگدا ہا۔47 سالہ بس ڈرائیور سینیگالی نڑاد اطالوی اے اتے 2002توں اسکول بس چلیندا پئے جیں توں تفتیش کیتی ویندی پئی اے۔