باجوڑ دی تحصیل خار اچ تھری جی سروس دا آغاز، قبائلی علاقہ جات دی قومی دھارے اچ شمولیت دا ہک بیا وعدہ پورا کر ڈتے، وزیراعظم عمران خان

اسلام آباد ۔ 25 مارچ (اے پی پی) وزیراعظم عمران خان آکھیے جو قبائلی علاقہ جات دی قومی دھارے اچ شمولیت دے حوالے نال ہک بیا وعدہ پورا کر ڈتےباجوڑ دی تحصیل خار اچ سنوار توں تھری جی سروس دا آغاز کر ڈتا گے۔سنوار کوں اپنڑے ہک ٹویٹ اچ وزیراعظم عمران خان آکھیے جو قبائلی علاقے جنہاں کوں فاٹا دے ناں توں جانڑیا ویندا ہئی ،انہاں کوں قومی دھارے اچ گھن آونڑ کیتے ہک بیا وعدہ پورا کر ڈتے۔ وزیراعظم آکھیے جو گزریل جمعے کوں ہک جلسہ عام اچ انہاں باجوڑ دے لوکاں کوں تھری جی سروس ڈیونڑ دا وعدہ کیتا ہئی تے ایں وعدے کوں پورا کریندے ہوئیں باجوڑ دی تحصیل خار اچ اج توں تھری جی سروس دا آغاز کر ڈتا گے ۔