بھارت ولا حملہ کیتاں تاں ایجھا جواب ڈیسوں جو تاریخ یاد رکھیسی ،وزیر دفاع پرویز خٹک

اسلام آباد ۔ یکم مارچ(اے پی پی) یکم مارچ:وزیر دفاع پرویز خٹک آکھیے جو بھارت ولا حملہ کیتا تاں ایجھا جواب ڈیسوں جو تاریخ یاد رکھیسی۔سلھ دا جواب پتھر نال ڈیونڑ دی صلاحیت رکھیندوں، جنگ نہ تے امن چاہندوں ،مسئلہ کشمیر دے حل تئیں خطے اچ امن نئی آسگدا ۔مسلیں دے حل کیتے مذاکرات شروع کیتے ونجن ۔جمعے کوں پارلیمنٹ دے سانجھے اجلاس اچ گال کریندے ہوئیں وزیر دفاع آکھیا جو پاک فوج ، پاک فضائیہ اتے خاص طور تے حسن صدیقی کوں مبارخ ڈینداں ، ملک دی خاطر اساڈی فوج ہر طرح دی قربانی ڈتی اے تے ڈیندے رہسن ،، اپوزیشن جیں اتحاد و یکجہتی دا مظاہرہ کیتے اینکوں وی خراج تحسین پیش کرینداں تے امید کرینداں جو ایجھا ماحول اگی تے وی برقرار رہ ونجے ،وزیراعظم بھارت کوں مضبوط پیغام ڈتے ،دشمن اساں تے رات کوں حملہ کیتے انہاں دا خیال ہئی جو اساں چپ رہسوں اساں ڈینھ کوں جواب ڈے تے ثابت کر ڈتے جو سلھ دا جواب پتھر نال ڈیونڑ دی صلاحیت رکھیندوں،اساکوں پاکستان دی فوج تے فخر اے ۔