بین الاقوامی برادری پاک بھارت کشیدگی دا خاتمہ چاہندی اے ،ملیحہ لودھی

اقوام متحدہ ۔ یکم مارچ(اے پی پی) اقوام متحدہ اچ پاکستان دی مستقل مندوب ملیحہ لودھی آکھیے جو بین الاقوامی برادری پاک بھارت کشیدگی دا خاتمہ چاہندی اے ۔اقوام متحدہ اچ پاکستان دی مستقل مندوب اقوام متحدہ دے سیکرٹری جنرل دے دفتر نال منسلک سفارتکاراں تے خاص طور تے سلامتی کونسل دے مستقل ارکان سمیت بئی سفارتی برادری کوں پاکستان دے خلاف بھارتی جارحیت اتے ایندے نال پیدا تھیونڑ آلی صورت حال بارے ڈسیندے ہوئیں آکھیے جو وزیر اعظم عمران خان ولوں امن دے پیغام دے طور تے گرفتار بھارتی پائلٹ کوں رہاکرنڑدے اعلان دے باوجود بھارت کشیدگی اچ کہیں حوالے نال سنجیدہ کائنی ۔انہاں آکھیا ہمسایہ ملکاں دی کشیدگی ختم کرنڑدی ذمے واری ہنڑ بھارت تے ہے ۔ اقوام متحدہ دے سیکرٹری جنرل انتونیو گوترش دی چیف آف سٹاف ماریا لوزا ریبیرو ووٹی توں بعد اے پی پی نال ہک ہک انٹرویو دے دوران انہاں ڈسائے جو سیکرٹری جنرل دے آفس حکام نال بہوں واری ملاقات کیتی اے ۔ انہاں آکھیا ہنڑ پاکستان توقع کریندے جو ہنڑ بھارت وی اساڈے امن پیغام دا مثبت جواب ڈیوے تے سانجھے جھیڑے دے حل کیتے مذاکرات کیتے تیار ہووے ۔ انہاں آکھیا پلوامہ واقعے دے بعد وزیر اعظم عمران خان ولوں تعاون، بھارتی پائلٹ دی رہائی سمیت با مقصد مذاکرات دی بہوں واری دعوت ڈتی گئی اے لیکن ایندے باوجود صورت حال دی کشیدگی گھٹ کائنی تھئی تے بھارت ایں حوالے نال حالی تئیں کوئی مثبت اقدام کائنی کیتے تے ایہو کجھ پاکستان چاہندے ۔ پاکستانی سفیر آکھیا جو یو این سفارتی مشنز کوں دوست ملکاں ولوں کشیدگی دے خاتمے سانگے کیتے ونجنڑ آلے اقدامات بارے ڈسائے لیکن حالی تئیں بھارت فوجی کشیدگی کوں مکاونڑ کیتے کوئی پیشرفت کائنی کر سگیا۔انہاں آکھیا سلامتی کونسل دے مستقل اراکان سمیت برادر اسلامی ملکاں دے سفارتکاراں نال رابطے کیتے ویندے پن تے ترکی پاکستانی موقف دی حمایت دا یقین ڈیوائے جیں تے اساں انہاں دے مشکور ہوں ۔