تبدیلی دی شروعات تھی گئی اے،حالات بدلدے پین،جگ ہنڑ ساڈی گالھ منیندا پئے، شاہ محمودقریشی

APP31-10 MULTAN: March 10 - Foreign Minister Shah Mehmood Qureshi addressing during Turban Tying Ceremony organized by Khabrain Media Group at Tea House. APP photo Safdar Abbas

ملتان ۔10مارچ(اے پی پی)وزیرخارجہ مخدوم شاہ محمود قریشی آکھیے جو ملک اچ تبدیلی دی شروعات تھی گئی اے،حالات بدلدے پین،جگ ہنڑ ساڈی گالھ منیندا پئے،امتحان حالی مکیا نئیں،افغانستان اچ امن استحکام نال پاکستان دی معیشت چنگی تھیسی، توانائی بحران حل کرنڑ اچ مدد ملسی۔ اے گالھ وزیرخارجہ شاہ محمود قریشی ملتان ٹی ہاﺅس اچ اپنڑی دستاربندی ویلھے الویندے آکھی۔ انہاں آکھیا جو پی ٹی آئی کوں حکومت ملی تاں پاکستان اندرونی طور تے معاشی مسلیاں سودھا کئی چیلنجاں دا شکار ہا، بیرونی خطرے وی ودھیے ہوئے ہن، ایران،افغانستان ناراض ہن،بھارت سازشاں اچ مصروف ہا، چین، امریکا اتے بئے ملک دہشتگردی دے خلاف اقدامات تے زور دیندے پئے ہن بھل اج اساں انہاں شکر گذار ہیں جو حکومت دیاں چنگیاں پالیسیاں پاروں پورا جگ ساڈو ڈیہدا کھڑے،افغانستان اچ امن دی گالھ ہووے، دہشتگرداں دے خلاف کارروائی یا ملک کوں توانائی اتے معاشی بحران توں کڈھنڑ دا معاملہ پورا جگ ساڈی تعریف کریندا پئے،ہنڑ حالات بدلدے پین میکون یقین اے جو عوام، افواج پاکستان اتے دانشور سارے کٹھے رل تے ملک کوں بحراناں تون کڈھسوں کیوں جو اج میں ہک واری ول 1965ءآلاجذبہ ڈیہدا پیاں۔ انہاں آکھیے جو پاکستان دیان کوششاں نال افغانستان اچ امن دی راہ نکلدی پئی اے ایندے نال خطے ہی نئیں پاکستان دے وی حالات بدلسن۔