اسلام آباد ۔ 20 مارچ (اے پی پی) وفاقی وزیر اطلاعات تے نشریات چوہدری فواد حسین آکھیا جو بلاول بھٹو اتے آصف علی زرداری دی نیب اچ پیشی اچ کجھ درجن لوکاں پولیس تے حملہ کیتا،کیا تساں اے ثابت کرنڑ چاہندو جو تساں کوں تفتیش سانگے کیوں سڈیا گئے ،اے رویہ کالعدم تنظیماں توں کینویں مختلف ہوسی جئیں تے نیشنل ایکشن پلان دا نفاذ تھیند اپئے ،اے رویہ قانون دے تقاضیاں دے منافی اے،امید اے پی پی پی دی قیادت اپنڑے رویے تے معافی منگسی،پولیس دی معاملہ کوں غیر جانبدرای نال نبیڑنڑ دی کوشش تعریف دے قابل اے،تحقیقات دے عمل کوں متاثر کڑنڑ ممکن کائنی،مقدمیاں دا سامنڑاں کرنڑاں پمسی۔بدھ کوں وفاقی وزیر اطلاعات تے نشریات چوہدری فواد حسین دا ویڈیو سنھیا اچ آکھیا جو اج بلاول بھٹو اتے آصف زرداری کوں نیب تفتیش سانگے سڈیے،ایں پیشی دے موقع تے تقریباً50دے نیڑے کارکن جمع تھین۔انہاں آکھیا جو بدقسمتی اے جو کجھ درجن لوکاں پولیس تے حملہ کیتا،ایں حملے اچ چار پولیس اہلکاراتے ڈو کیمرہ میناں دے زخمی تھیونڑ دی اطلاع اے۔انہاں آکھیا جو جنہاں لوکاں تے مقدمے ہن انہاں کوں سامنڑاں کرنڑاں پمسی۔
