ترجمان دفتر خارجہ ڈاکٹر محمد فیصل دا ہفتہ وار بریفنگ دوران صحافیاں دے سوالاں دا جواب

اسلام آباد ۔ 07 مارچ (اے پی پی) ترجمان دفتر خارجہ ڈاکٹر محمد فیصل آکھیے جو او آئی سی مسلم امہ دی تنظیم ہے، او آئی سی اچ بھارت دی مبصر دی حیثیت کڈاہیں قبول کائناں کریسوں، بھارت دے نال کشیدگی گھٹ گی ہے، جنگ داخطرہ ٹلیا کائنی کجھ نی آکھ سگدا، بھارت اگر اساڈی چپ کوں کمزوری سمجھدے تاں پہلے آلی کار چنگا جواب ڈتا ویسی، دہشت گردی، سارک سمیت سارے تصفیہ طلب معاملات تے بھارت دے نال مذاکرات سانگے تیار ہسے۔ خمیس کوں ہفتہ وار بریفنگ دوران صحافیاں دے مختلف سوالاں دے جواب اچ ترجمان آکھیے جو او آئی سی امت مسلہ دی تنظیم ہے، بھارت مبصر دی حیثیت کڈاہیں قبول کائناں کریسوں، اساڈے مقاصد واضح ہن۔ ہک سوال دا جواب ڈیندے ہوئیںترجمان آکھیا جو او آئی سی وزارت خارجہ کونسل دے حالیہ اجلاس اچ بھارت کوں دعوت کائنی ڈتی ہائی بلکہ میزبان ملک یو اے ای سڈیا ہا،تاں جو پاکستان دے شریک نہ تھیونڑ دے باوجود 57 اسلامی ملکاں سانجھی قرارداد اچ مقبوضہ کشمیر اچ بھارتی مظالم اتے انسانی حقوق دی سنگین خلاف ورزیاں اتے حالیہ بھارتی جارحیت دی مذمت کیتی۔ ہک سوال دا جواب اچ ترجمان آکھیا جو مسعود اظہر دے حوالہ نال پاکستان دے مفاد اچ فیصلہ کیتا ویسی۔ انہاں آکھیا جو ایہ گالھ فخر آلی ہے جو اساں بھارت کوں سفارتی، فوجی، سیاسی اتے میڈیا محاذاں تے ہرائے۔ بھارت ولوں پاکستان دی بحری حدود دی خلاف ورزی توں متعلق ترجمان آکھیے جو ایں سلسلہ اچ سفارتی ردعمل دافیصلہ حالی تھیونڑے ۔ ہک بئے سوال دا جواب ڈیندے ہوئیں ترجمان آکھیے جو پلوامہ حملہ دے حوالہ نال بھارت ولوں ڈوزیئر ملے ہن، ڈوزیئرز داجائزہ گھداویندا پئے ایندا جواب ڈتا ویسی ۔ ترجمان ہک بئے سوال دے جواب ا چ آکھیا جو پاکستان کرتارپور راہداری معاہدے دا مسودہ نئی دہلی نال شیئر کیتا ہا ایں تھا اس سلسلہ اچ ڈوہائیںملکاں وچال گالھ بات اگلے خمیس اٹاری اچ تھیسی۔