کرائسٹ چرچ ۔ 29 مارچ (اے پی پی) نیوزی لینڈ دے شہر کرائسٹ چرچ اچ ڈو مسیتاں تے تھیونڑ آلے حملیاں اچ شہید تھیونڑ آلے لوکاں دی یاد اچ جمعہ کوں ہیگلے پارک اچ دعائیہ تقریب تھئی جیندے اچ وزیر اعظم جیسنڈرا آرڈرن سودھے 20 ہزارلوک شریک تھین،اے تقریب پورے نیوزی لینڈ اچ سرکاری ٹی وی اتے ریڈیو تے وی نشر کیتی گئی۔ایں موقع تے خطاب اچ وزیر اعظم جیسنڈرا آرڈرن آکھیا جو دنیا اچ انتہا پسندی دا مقابلہ انسانیت نال ہی ممکن اے، اے ساڈی ذمہ واری اے جو اساں اینجھے پر امن لوک اتے جاہ بنڑوں جتھاں ہر کوئی اپنڑے آپ کوں محفوظ سمجھے۔70 دے ڈھاکے اچ اسلام قبول کرنڑ آلے ماضی دے معروف برطانوی گلوکار کیٹ سٹیوینز جیکوں ہنڑ یوسف اسلام دے ناں نال سنجاتا ویندے انہاں وی تقریب اچ خطاب کیتے۔روایتی ماو¿ری لباس پاتی ہوئی وزیر اعظم آرڈرن دے نال پورے جگ توں لوک موجود ہن۔حملے اچ بچ ونجنڑ آلے فرید احمدوی خطاب کیتے جیندی زال حسنہ وی ایں حملے اچ شہید تھی گئی ہئی جڈاں جو مسلم کونسل آف کینٹربری دے صدر شگاف خان وی خطاب کیتے۔
