اسلام آباد ۔ 25 مارچ (اے پی پی) وزارت مذہبی امور تے بین المذاہب ہم آہنگی جاری سال سرکاری حج سکیم تحت حج دی سعادت حاصل کرنڑ آلیاں کوں وختی اطلاعات ڈیونڑ سانگے سوشل میڈیا دے استعمال دی منصوبہ بندی کیتی ہے۔ وزارت دے ترجمان مطابق عازمین حج دے نال وختی اطلاعات شیئر کرنڑ سانگے وزارت مذہبی امور فیس بک اتے ٹویٹر استعمال کریندی پئی ہے۔ ایں مقصد سانگے پنج سمارٹ فون ایپلی کیشناں بنڑائیاں گن ، جنہاں اچ حج معاون، رہنمائے حج، منیٰ لوکیٹر، پاک حج گائیڈ اتے حج کمپلینٹس شامل ہن۔ ایندا مقصد حاجیاں کوں کہیں رکاوٹ اتے تکلیف دے بغیر حج کرنڑ اچ مدد ڈتی ویسی۔ انہاں آکھیے جو ایپلیکیشنز دے ذریعے حج کرنڑ دے عمل دی مکمل دستاویزی فلم اتے رہنما اصول وی ڈتے گن۔ اگر حاجی اپنڑے کیمپ بھول ویندن تاں تو منیٰ لوکیٹر انہاں کوں اپنڑاں کیمپ گولنڑ اچ مدد کریسی ۔
