اسلام آباد ۔ 6 مارچ (اے پی پی) وزیراعظم عمران خان آکھیے جو حکومت ملک اچ سرمایہ کاراں کیتے سازگار اتے کاروبار دوست ماحول فراہم کرنڑکوں پہلی ترجیح ڈیندی اے ،50 لکھ گھراں دی تعمیر حکومت دا فلیگ شپ پروگرام اے جیں نال ملک دے نینگراں تے متعلقہ صنعتاں کیتے نویں موقع پیدا تھیسن۔ انہاں اے گال چین دی ممتاز کمپنی ایکس سی ایم جی دے گلوبل سیلز پریذیڈنٹ/ جنرل منیجر ڈاکٹر ہینسن لیو اتے ایچ ایس ایس گروپ دے چیئرمین سید سمن ہاشمی نال گال مہاڑ کریندے ہوئیں آکھی جنہاں بدھ کوں وزیراعظم آفس اچ انہاں نال ملاقات کیتی ۔ ایچ ایس ایس اتے ایکس سی ایم جی کمپنیاں پاکستان دے ہاﺅسنگ اتے مینوفیکچرنگ دے شعبے اچ 2 ارب ڈالر دی سرمایہ کاری دا ارادہ رکھیندی اے ۔ ایکس سی ایم جی کمپنی تعمیراتی صنعتی سامان تے مشینری دے حوالے نال چین دی پہلیاں کمپنیاں اچ شمار تھیندی تے جیرھے جو پاکستان اچ ہیوی ایکیوپمنٹ مینوفیکچرنگ پلانٹ/ اسمبلی دے قیام دا وی ارادہ رکھیندی اے ۔اے کمپنی اچیاں عمارتاں تے ہاﺅسنگ یونٹس دی تعمیر اچ مہارت رکھیندی اے تے وزیراعظم دے 50لکھ گھراں دی تعمیر دے پروگرام اچ شراکت دا بنڑنڑ چاہندی اے ۔وزیراعظم ایچ ایس ایس تے ایکس سی ایم جی ولوں ہاﺅسنگ اتے مینوفیکچرنگ دے شعبے اچ سرمایہ کاری دا خیر مقدم کریندے ہوئیں آکھیے جو حکومت سرمایہ کاراں کوں ودھ توں ودھ سہولتاں ڈیونڑ تے کاروبار اچ آسانی پیدا کرنڑ کیتے کئی اقدامات کیتن ۔
