اسلام آباد ۔ یکم مارچ(اے پی پی) وفاقی وزیر ریلوے شیخ رشید احمد آکھیے جو ترکی پاکستان دا قابل اعتماد اتے بھروسہ مند دوست اسلامی ملک اے ، پاکستان اتے ترکی ہمیشہ ہک ڈوجھے دا ساتھ ڈتے ،خطے دی موجودہ صورت حال اچ پاکستان دے موقف دی پوری حمایت تے ترکی تے ترک عوام دے شکر گزار ہوں ۔پاکستان اچ ترکی دے سفیر احسان مصطفیٰ یرداکل توں جمعے کوں ملاقات دے موقع تے گال مہاڑ کریندے ہوئیں وفاقی وزیر ریلوے آکھیا جو پاکستان ریلوے کوں جدید خطوط تے ترقی ڈتی ویندی پئی اے تے پاکستان ریلوے دی ترقی کیتے ترکی دے تجربیں توں فائدہ چیسی ، خواہش ہے جو ترک صدر رجب طیب اردگان دے دورہ پاکستان دے دوران پاکستان اتے ترکی وچال ریل شراکت داری تے وی عملی اقدامات ہوون ۔ وزیر ریلوے ترکی دی ریل کمپنیاں کوں ایم ایل ii اتے iii کوئٹہ زاہدان اتے تفتان ( ایران) ریل لائن دی اپ گریڈیشن اچ شراکت داری دی دعوت ڈیندے ہوئیں آکھیے جو ترکی لوکو موٹو فیکٹری رسالپور اچ شراکت داری کرے، پاکستان ریلوے ہر ممکن تعاون کریسی۔ایں موقع تے ترکی دے سفیر آکھیا وج ترکی تے پاکستان دوست ملک ہن تے ڈوہیں مختلف شعبیں اچ ہک ڈوجھے نال تعاون کریندے پن ۔
