خیبر پختونخوا سمیت ملک دے نینگراں عمران خان کوں جتوا کراہیں 21ویں صدی دے انقلاب دا منڈھ بدھ ڈتے، ،وفاقی وزیر اطلاعات تے نشریات چوہدری فواد حسین دا پی ٹی آئی خیبر پختونخوا یوتھ ونگ دے کنونشن توں خطاب

اسلام آباد ۔ 13 مارچ (اے پی پی) وفاقی وزیر اطلاعات تے نشریات چوہدری فواد حسین آکھیا جو خیبر پختونخوا سمیت ملک دے نینگراں عمران خان کوں جتوا کراہیں 21ویں صدی دے انقلاب دا منڈھ بدھ ڈتے،وزیراعظم عمران خان دی قیادت اچ پاکستان تحریک انصاف دی مقبولیت کوں ڈیکھ کراہیں مسلم لیگ ن اتے پیپلز پارٹی سر پکڑ گھدن اتے رات دے اندھاریاں اچ عمران خان دے خلاف سازشاں شروع کر ڈتن،وڈے عرصے توں اقتدار اچ رہنڑ آلی ڈوہیں جماعتاں اپنڑے اپنڑے دور اچ کرپشن دے ریکارڈ بنڑائن اتے ریاست کوں یرغمال بنڑائے رکھیا،وزیراعظم عمران خان دی نواز شریف اتے آصف علی زرداری نال کوئی ذاتی لڑائی کائنی،پاکستان تحریک انصاف قوم کوں تقسیم کرنڑ آلی سیاست دا خاتمہ کر ڈتے،ہنڑ چاریں صوبے قومی دھارے اچ شامل ہن۔او بدھ کوں پی این سی اے اچ پی ٹی آئی خیبر پختونخوا یوتھ ونگ دے کنونشن توں خطاب کریندے پے ہن ۔ وفاقی وزیر اطلاعات چوہدری فواد حسین کو ںخیبر پختونخوا دے نوجوان ” بیسٹ ڈیفنڈر ایوارڈ ” پیش کیتا۔