دہشتگردی عالمی مسئلہ بنڑ گئی اے،یورپ اچ اسلاموفوبیاودھدا پئے،شاہ محمود قریشی

APP26-16 MULTAN: March 16 – Foreign Minister Makhdoom Shah Mehmood Qureshi talking to media persons during oath taking ceremony of the newly elected cabinet of the All Pakistan Clerks Association (APCA) at Arts Council. APP photo by Qasim Ghauri

ملتان ۔16مارچ(اے پی پی)وزیرخارجہ مخدوم شاہ محمودقریشی آکھیے جو دہشتگردی عالمی مسئلہ بنڑ گئی اے،یورپ اچ اسلاموفوبیاودھدا پئے،نسل پرست لوک عالمی سیاست تے اثر انداز تھیندے پین،پاک بھارت کشیدگی مکاونڑ اچ اوام متحدہ اتے دوست ملکاں کردار ادا کیتے،مقبوضہ کشمیر اچ جدوجہد کرنڑ آلے کشمیریاں دے حوصلے کوں سلام اے۔اے گالھ وزیر خارجہ شاہ محمودقریشی ملتان اچ میڈیانال گالھ مہاڑکریندے آکھی۔انہاں آکھیے جو کرائسٹ چرچ دہشتگردی اچ لاپتہ پاکستانیاں اتے شہیداں بارے جانڑن دی کوشش تھیندی پئی اے حالی کجھ وی حتمی نئیں آکھیا ونج سگدا،جیہڑی وی معلومات ملیاں او متاثرہ خانداناں نال ونڈیاں ویسن اتے اوندے مطابق اقدامات کتیے ویسن۔انہاں آکھیے جو نیوزی لینڈ جھیاں ملک وی دہشتگردی دی ولھیٹ اچ آگئے،انسانیت دا کیویں قتل کیتا گئے،اے ثابت کریندے جو دہشت گردی ہک عالمی مسئلہ بنڑ چکیے،ایندے پچھو کون شامل اے اے تحقیقات دے بعد ہی پتہ لگسی۔انہاںا ٓکھیا جو کرتارپورا راہداری معاملہ چنگے طریقے نال اگو تے ٹردا پئے، ایندے تے ڈوجھے مرحلے دے مذاکرات 2اپریل کوں تھیسن۔انہاں آکھیے جو پاک بھارت کشیدگی گھٹنڑ دے باوجود ساکوں ہوشیار راہنڑا پوسی جو مودی سرکارتوں کجھ وی بعید کائنی۔