اسلام آباد ۔ 16 مارچ (اے پی پی) پارلیمانی سیکرٹری برائے ریلوے فرخ حبیب نیوزی لینڈدے شہر کرائسٹ چرچ دیاں ڈو مسیتاں اچ تھیونڑ آلے دہشت گردانہ حملے دی مذمت کریندے آکھیے جو دہشتگردی عالمی مسلہ اے جیندے نال رال مل تے نبڑن دی لوڑھ اے۔ہک نجی ٹی وی چینل نال الویندے ہوئیں انہاں آکھیا جو وزیراعظم عمران خان کئی واری آکھ چکین جو دہشت گرداں دی کوئی نسل اتے مذہب نئیں ہوندا،مغربی ملکاں کوں ایں دہشت گردانہ حملے تے کوئی ڈو رائے نئیں رکھنڑی چاہندی اتے ایکوں دہشتگردی ہی سمجھیا ونجے اتے مغربی میڈیا ایکوں لکاونڑ دی بجائے ایندی سنگینی دے مطابق اہمیت ڈیوے۔ہک سوال دے جواب اچ انہاںا ٓکھیا جو نیب ہک آزاداتے خود مختار ادارہ اے جیڑا ملکی قانون دے مطابق کم کریندا پئے۔
