اسلام آباد ۔ 08 مارچ (اے پی پی)وزیر خارجہ مخدوم شاہ محمود قریشی آکھیا جو سماجی اتے معاشی اوکھ پاروں اساڈی تریمتیاں قومی اتے عالمی سطح تے اپنڑی صلاحیتاں منوائن اتے کامیابیاں حاصل کیتن۔سیاسی میدان توں گھن کراہیں مسلح فوج کھیڈ اتے تفریح تئیں ہر شعبہ زندگی اچ اساڈی تریمتیاں کردار نبھیندیاں پئن۔تریمتیں دے عالمی ڈینھ دے موقع تے اپنڑے ہک سنھے اچ انہاں آکھیا جو اج اساں پوری دنیا اچ خصوصی طور پاکستان اچ تریمتیں دی مختلف شعبیاں اچ شاندار کامیابیاں منیندیاں پئن۔وزیرخارجہ آکھیا جو مادرملت محترمہ فاطمہ جناح دی قیادت اچ اساڈی تریمتیں تحریک پاکستان اچ اپنڑاں تاریخی کردار ادا کیتے۔
