سنجاوی اچ لیویز چیک پوسٹ تے نامعلوم دہشت گرداں دے حملے اچ 6 لیویز اہلکار شہید

کوئٹہ۔ 20مارچ (اے پی پی) زیارت دے علاقے اچ نامعلوم دہشت گرداں دی لیویز چیک پوسٹ تے فائرنگ دے نتیجے اچ 6 لیویز اہلکار شہید تھی گئن ۔ ڈپٹی کمشنر زیارت قادر بخش پرکانی ڈسائے جو بدھ کوں زیارت دے علاقے سنجاوی لعل کٹائی اچ لیویز چیک پوسٹ تے نامعلو م دہشت گرداں اچانک حملہ کرڈتا جیں دے نتیجے اچ ڈیوٹی تے موجود 6 لیویز اہلکار موقع تے ہی شہید تھی گن ۔ شہید تھیونڑ آلیں اچ دفعدار مہتاب الدین، سپاہی عبدالحکیم ، سپاہی فقیر احمد، محمد عثمان ، عبدالشکور اتے داد محمد شامل ہن۔ شہید تھیونڑ آلے لوکاں میتاں کوں سول ہسپتال زیارت منتقل کرڈتا گے ۔ حملے دے بعد سیکورٹی فورسز پورے علاقے دی ناکہ بندی کرتے نامعلوم دہشتگرداں دی گول شروع کر ڈتی اے ۔