اسلام آباد ۔ 25 مارچ (اے پی پی) سپیکر قومی اسمبلی اسد قیصر نال صدرآزادکشمیرسردار محمد مسعود خان پارلیمنٹ ہاﺅس اچ ملاقات کیتی۔ ملاقات اچ مقبوضہ کشمیر دی موجودہ صورتحال، علاقائی سلامتی اتے سانجھے دلچسپی دے بئے امور تے گال مہاڑ تھئی ۔ قومی اسمبلی دے سپیکر اسد قیصر ایں موقع تے آکھیا جو کشمیر پاکستان دی شہ رگ اے تے پاکستان کڈاہیں وی ایندے توں غافل نئی تھی سگدا۔انہاں آکھیے جو پلوامہ حملہ مقبوضہ وادی اچ بھارت دی جارحیت تے مبنی پالیسیاں دا نتیجہ اے ۔پاکستانی عوام تے حکومت کشمیر عوام نال پوری یکجہتی رکھیندن ۔ سپیکر اسد قیصرآکھیے جو کمشیر اچ ظلم دی مذمت کریندوں انہاں آکھیے اے مسئلہ اقوام متحدہ دیاں قرارداداں دی روشنی اچ حل کیتا ونجے۔ ایں موقع تے صدر آزاد کشمیر سردار محمد مسعود خان آکھیا جو آزاد کشمیر دی عوام پوری طرح مقبوضہ وادی دی عوام دے نال کھڑی اے تے انہاں نال تھیونڑ آلے ظلم دی مذمت کریندی اے ۔
