کراچی۔ 30 مارچ (اے پی پی) وزیراعظم عمران خان آکھیے جو شہراں دا پھیلاﺅ روکنڑ کیتے اچیاں عمارتاں بنڑاونڑ دا فیصلہ کیتے، کراچی اچ وی درخت لیسوں ،ا ٓونڑ آلیان نسلاں کوں کھیڈ دے میدان ہی نئیں صاف ماحول وی ڈیونڑے۔ اے گالھ وزیراعظم عمران خان کراچی اچ باغ ابن قاسم دی افتتاحی تقریب نال خطاب کریندے آکھی۔انہاںا ٓکھیے جو ودھدے شہر،فضائی و گردوغبار دی آلودگی،درختاں دے کٹاو پاروں کراچی اچ گرمی ودھدی ویندی اے،سوہنڑپ ختم تھی گئے، لوکاں کیتے ضروری اے جو انہاں کوں ساول اتے گرین ایریاز ڈیووں،کھیڈاں دے میدان اتے پارک ہوونڑے چاہیدن، لوکاں کوں صاف ستھرا ماحول ملے تاں جو انہاں کوںگھٹن دا احساس نہ تھیوے اتے او سیروتفریح کر سگن، ساکوں پارکاں کیتے بیا کم کرنڑا ہوسی۔انہاںا ٓکھیے جو پنج سالاں اچ ڈاہ ارب درخت لاونڑ دا منصوبہ اے،کراچی اتے سندھ اچ وی مقامی اتے صوبے دی حکومت نال رل تے درخت لیسوں،کیوں جو وڈے وڈے جنگلات تے قبضے کیتے گین، وڈے درخت کپ ڈتے گین،زمیناں تے قبضہ کیتا گئے کاشتکاری کیتے لیز دے ناں تے جنگلات کٹ تے طاقتور قبضہ گروپاں قبضہ کر گھدے، ایں سانگے اقدامات کرنڑ دی لوڑھ اے ۔
