وزیر مملکت موسمیاتی تبدیلی زرتاج گل دا وزارت موسمیاتی تبدیلی اتے پی ٹی سی ایل وچال مفاہمت دی یادداشت تے دستخط دی تقریب نال خطاب
اسلام آباد ۔ 26 مارچ (اے پی پی) وزیر مملکت موسمیاتی تبدیلی زرتاج گل آکھیے جو صاف تے سرسبز پاکستان ہک قومی پروگرام اے ایندے اچ سرکاری تے نجی شعبے دی شمولیت حوصلہ افزا اے ، وزارت موسمیاتی تبدیلی اتے پاکستان ٹیلی کمیونیکیشن (پی ٹی سی ایل) وچال مفاہمت دا سمجھوتہ ایں اہم قومی مقصد دے حصول دے پاسے اہم پیشرفت اے ۔او منگل کوں وزارت موسمیاتی تبدیلی اتے پاکستان ٹیلی کمیونیکیشن (پی ٹی سی ایل) وچال مفاہمت دی یادداشت تے دستخط کرنڑدی تقریب نال خطاب کریندیاں پیاں ہن ۔ انہاں آکھیا جو صاف و سرسبز پاکستان وزیراعظم عمران خان دا ویژن اے تے او ملک کوں بہوں ساوا ، صاف اتے ماحول دوست ڈیکھنڑ چاہندن ، ایں مقصد کیتے پورے ملک اچ جنگلات دی کٹائی کوں روکنڑ کیتے بہوں زیادہ شجر کاری دے ذریعے انہاں دے رقبے کوں ودھاونڑ کیتے اقدامات کیتے ویندے پن۔ وزیر مملکت آکھیا جو اساکوں ایں قومی اتے انسانی مقصد کیتے نجی شعبے دا تعاون بہوں اہم اے تے پی ٹی سی ایل دی ایں پروگرام اچ شمولیت ایندی عکاس اے ۔
