صدر مملکت ڈاکٹرعارف علوی دی لکسمبرگ دے نامزد سفیر نال ملاقات

Ambassador-designate of Luxembourg Marc Hubsch presenting his credentials to President Dr Arif Alvi at the Aiwan-e-Sadr, Islamabad on March 04, 2019.

اسلام آباد ۔ 4 مارچ (اے پی پی) صدر مملکت ڈاکٹرعارف علوی آکھیے جو پاکستان اتے لکسمبرگ وچال سانجھے احترام تے تعاون تے مبنی دوستانہ تعلقات استوار ہن، ڈوہیں ملکاں وچال تجارت اچ ودھارے کیتے اقدامات دی ضرورت اے ۔ انہاں اے گال سنوار کوں اتھاں پاکستان اچ لکسمبرگ دے نامزد سفیر نال ملاقات اچ گال مہاڑ کریندے ہوئیں آکھی ۔ پاکستان اچ لکسمبرگ دے نامزد سفیر مارک ہوباک ایوان صدراچ منعقدہ تقریب اچ صدرمملکت کوں اپنڑیاں سفارتی سنداں پیش کیتیاں ۔ بعدااچ انہاں صدر مملکت نال ملاقات کیتی ۔ایں موقع تے گال مہاڑ کریندے ہوئیں صدرمملکت آکھیا جو پاکستان اتے لکسمبرگ دے سانجھے احترام تے تعاون تے مبنی دوستانہ تعلقات ہن ، ضرورت ایں امر دی اے جو ڈوہیں ملکاں دے تاجراں تے سرمایہ کاراں وچال رابطے کوں ودھاونڑ دے ذریعے ڈو پاسے تجارت کیتے نویں رستے گولیے ونجن ۔ صدر مملکت آکھیا پاکستان دی حکومت سرمایہ کاری دوست پالیسیاں متعارف کرائین ، سرمایہ کاری تے ٹیکساں اچ رعایت جڈاں جو سرمایہ کاری توں حاصل منافع دی واپسی اچ وی سہولتاں ڈتیاں گن انہاں اقدامات پاروں پاکستان براہ راست باہرلے سرمایہ کاراں کیتے ہک اہم تے پرکشش مرکز بنڑدا پئے ۔ لکسمبرگ دے سفیر صدر مملکت دا شکریہ اداکیتا تے آندے ڈینہاں اچ ڈوہیں ملکاں وچال ڈو پاسے تعلقات کوں مزید ودھاونڑ دی توقع ظاہر کیتی۔

متعلقہ مضامینمصنف کی طرف سے مزید