اسلام آباد ۔ 03 مارچ (اے پی پی)صدر مملکت ڈاکٹر عارف علوی کنٹرول لائن تے شہید تھیونڑ آلے سپاہی غلام حسین ، حوالدار عبدالرب اتے نائک خرم علی دے اہل خانہ کوں ٹیلی فون کیتے اتے شہداءدے درجات دی بلندی کیتے دعا کیتی اتے پرچاونڑی ڈتی۔صدرآکھیا جو وطن کیتے جند ڈیونڑ آلیاں دی قربانی ہمیشہ یاد رکھی ویسی، قوم انہاں شہیداں دی قربانیاں دی مقروض اے۔صدر مملکت شہداءدے ورثا نال صبر دی دعا کیتی اتے ایں وڈے موقع تے اہل خانہ دی بہادری اتے حوصلے تے انہاں کوں خراج تحسین پیش کیتے۔ صدر آکھیے جو پوری قوم ملک دے دفاع کیتے ہر ویلھے تیار اے۔
