اسلام آباد ۔ 22 مارچ (اے پی پی) صدر مملکت ڈاکٹر عارف علوی آکھیے جو پاکستان ہک پرامن اتے خودمختار ملک ہے ،پاکستان سارے ہمسائیاں نال چنگے تعلقات دا خواہشمند ہے۔ انہاں ایہ گالھ آذربائیجان دے وزیر دفاع کرنل جنرل ذاکر حسنوف اصغر اولو نال ملاقات دوراں آکھی ،جنہاں جمعہ کوں ایوان صدر اچ عارف علوی نال ملاقات کیتی۔ صدر مملکت آکھیا جو پاکستان سانجھی دلچسپی دے سارے امور تے بھارت سمیت سارے ملکاں نال گالھ مہاڑتے یقین رکھیندے۔ انہاں آکھیا جو اساڈی خواہش ہے جو سارے دوست ملک بھارت تے زورڈیونڑ جو ا وہ اقوام متحدہ سلامتی کونسل دی قرارداداں مطابق کشمیر دے جھیڑے دے پرامن حل سانگے پاکستان نال گالھ مہاڑ کرے۔ ڈاکٹر عارف علوی آکھیا جو ڈوہائیںملکاں کوںزراعت، مینوفیکچرنگ، خدمات دے شعبہ، ریڈی میڈ ملبوسات، کپاہ دی مصنوعات، انجینئرنگ دی مصنوعات، دوائیاں بنڑاونڑ، چاول، ٹیکسٹائل، سپورٹس مصنوعات، آلات جراحی سمیت مختلف شعبیں اچ تجارت اچ ودھارے اتے سانجھا تعاون دے موقع لبھنڑ دی ضرورت ہے۔ صدر مملکت ڈوہائیں ملکاں وچال دفاعی تعاون دی صلاحیت اتے مسلح افواج وچال عسکری تربیت دے تعاون تے زور ڈتا۔ آذربائیجان دے وزیر دفاع آکھیا جو پاکستان اتے آذربائیجان وچال بھرپی اتے چنگا تعلقات ہن ،ڈوہائیں ملکاں ہمیشہ ہک بئے مدد کیتی ہے۔ صدر مملکت یوم پاکستان دی تقریبات اچ آذربائیجان دی شرکت دی تعریف کریندے ہوئیں صدر الہام علیوف کوں پاکستان دے دورہ دی دعوت وی ڈتی۔
