لاہور۔16 مارچ(اے پی پی )محکمہ موسمیات دے مطابق لاہور اتے پنجاب دے بئے اضلاع سودھا ملک دے اکثرا علاقیاں اچ آڈت دے ڈینہہ موسم ٹھڈا اتے رکھا راہسی بھل کوئٹہ ڈویژن اچ کجھ جاہیں تے نکیاں کنڑیاں پوونڑ دا امکان اے۔محکمہ موسمیات دے ترجمان لاہور ، فیصل آباد ، ملتان اتے سرگودھا سودھے پنجاب دے کجھ ضلعیاں اچ سونوار تئیں ٹھڈے اتے رکھے موسم دی پیش گوئی کیتی اے۔ گذریل چوی گھنٹے اچ لاہورسودھا ملک دے اکثر علاقیاں اچ موسم سرد اتے خشک رہے بھل کوئٹہ،جیکب آباد،مری اتے ایبٹ آباداچ کجھ جاہیں تے ہلکی بارش تھئی۔خیبرپختونخواہ ایبٹ آباد اچ 01 ملی میٹر بارش ریکارڈ کیتی گئی۔چھنڑ چھنڑ کوں اکثر علاقیاں اچ موسم گھماں رہے۔سب توںو دھ ٹھڈاتے درجہ حرارت کالام اچ منفی 6، استور منفی 4، مالم جبہ منفی 2، پارہ چنار، ہنزہ،گوپس اتے بگروٹ اچ منفی 1 ڈگری سینٹی گریڈ ریکارڈکیتا گئے جڈاں جو لاہوراچ گھٹ توں گھٹ 12 ، فیصل آباداچ 11 ، ملتان اچ 13 ریکارڈ تھئے۔
