لوکاں کوں سال دے چھیکڑ تئیں صحت دے شعبہ اچ تبدیلی نظر آویسی،وزیر صحت عامر محمود کیانی

اسلام آباد ۔24مارچ(اے پی پی)وزیر صحت عامر محمود کیانی آکھیے جو حکومت لوکاں کوں صحت دیاں چنگیاں سہولتاں ڈیونڑ کیتے ترجیحی کم کریندی پئی اے، ایں سانگے اقدامات اچ تیزی آگئی اے،لوکاں کوں سال دے چھیکڑ تئیں صحت دے شعبہ اچ تبدیلی نظر آویسی۔اے گالھ انہاں اسلام آباد اچ سگریٹ نوشی دے خلاف آگاہی مہم سانگے ہائیکنگ ایونٹ دا افتتاح کرنڑتوں بعد میڈیانال الویندے آکھی۔انہاںا ٓکھیے جو ہرسال پنج لکھ لوک ٹی بی دا شکار تھی ویندن جڈاں جو ہرسال ٹی بی دے ساڈھے ترائے لکھ لوکاں دا علاج کیتا ویندے،یرقان دے علاج کیتے ساڈھے ترائے مہینے دا کورس تیار کیتا گئے، لوکاں کوں چاہیدے جو او علاج اچ دیر کرنڑ دی بجائے متعلقہ صحت مراکز نال فوری رجوع کرن اتے مختلف امراض دی سنگینی توں بچن۔انہاں میڈیا تے زور ڈتا جو او سگریت نوشی دے خلاف آگاہی کیتے کردار ادا کرے۔