مریم اورنگزیب جیہڑے عمران خان کوں ڈیندن ،کاش اونجھے مشورے او اپنڑی قیادت کوں ڈیندی تاں اج اے ڈینہہ نہ ڈیکھنڑے پوندے،وزیرمملکت موسمیاتی تبدیلی

اسلام آباد ۔ 31 مارچ (اے پی پی)وزیرمملکت برائے موسمیاتی تبدیلی زرتاج گل آکھیے جو مسلم لیگ (ن) دی ترجمان مریم اورنگزیب جیہڑے عمران خان کوں ڈیندن ،کاش اونجھے مشورے او اپنڑی قیادت کوں ڈیندی تاں اج اے ڈینہہ نہ ڈیکھنڑے پوندے ۔ مریم اورنگزیب دے بیان دے جواب اچ زتاج گل آکھیے جو لگدے مریم اورنگزیب دا دل مسلم لیگ (ن) تون اک گئے تہوں او ہنڑ وزیراعظم کوں مشورے ڈیونر لگ پئی اے،چنگاں ہوندا جیکر او ایہے مشورے ایویں جذبے نال اپنڑی قیادت کوں ڈیندی تاں او اج ایں حال اچ نہ ہوندے۔انہاںا ٓکھیے جو مریم اورنگزیب دی نوکری مشورے نئیں تنقید کرنڑ اے ،عمران خان دی مخالفت تے اپوزیشن دے درجن بھر ترجماناں دی نوکری لگی ہوئی اے،مسلم لیگ دا ناں بدنام تھیندا پئے،ایندا ناں کرپٹ لیگ رکھنڑا چاہیدے۔