اسلام آباد ۔ 28 مارچ (اے پی پی)اجوکے مالی سال 2018-19ءدی پہلی ششماہی اچ جولائی تا دسمبردے دوران ملائیشیا توں اونڑ آلیاں ترسیلات زر دی شرح اچ 57 فیصد دا ودھارا تھئے۔بیورو آف امیگریشن اینڈ اووسیز ایمپلائمنٹ ملائیشیا دی رپورٹ دے مطابق ملائیشیا اچ کم کرنڑ آلے رجسٹرڈ پاکستانیاں دی تعداد9881 اے جیہڑے اپنڑے ہم وطناں اتے عزیز و اقارب کوں رقوم بھیجیندے پین۔سٹیٹ بینک آف پاکستان دی رپورٹ دے مطابق جولائی 2018ءتوں گھن تے فروری 2019ءدے دوران ملائیشیا اچ کم کرنڑ آلی پاکستانی افرادی قوت دیاں ترسیلات زر مجموعی ترسیلات زر دے 7 فیصد دے مساوی رہین۔
