اسلام آباد ۔ 22 مارچ (اے پی پی) ملائیشیا دے وزیراعظم ڈاکٹر مہاتیر محمد دے اعزاز اچ جمعے کوں ایوان وزیراعظم اچ باضابطہ استقبالیہ تقریب منعقد تھئی جیرھے جوپاکستان دے ترائے ڈینھ دے سرکاری دورے تے ہن۔ ملائیشیادے وزیراعظم ایوان وزیراعظم پے تاں وزیراعظم عمران خان انہاں دا پرتپاک خیرمقدم کیتا ۔ او سلامی دے چبوترے تے پجے تاں ڈوہیں ملکاں دے قومی ترانے وجائے گے ۔ مسلح فوج دے دستے انہاں کوں سلامی پیش کیتی۔ ملائیشیادے وزیراعظم گارڈ آف آنر دا معائنہ کیتا۔ بعدااچ وزیراعظم عمران خان اپنڑی کابینہ دے ارکان کوں اپنڑے ملائیشیا دے ہم منصب نال تعارف کرایا جڈاں جو ملائیشیا دے وزیراعظم اپنڑے وفد دے ارکان دا وزیراعظم عمران خان نال تعارف کرایا ۔
