اسلام آباد ۔ 27 مارچ (اے پی پی) وزیراعظم عمران خان آکھیا جو نویں پاکستان اچ دہشت گرداں سانگے کوئی جاہ کائنی،پاکستان اپنڑی سرزمین تے دہشت گرد گروپاں کوں کھنڈنڑ دی موکل کائنا ڈیسی،پاکستان دا جیش محمد نال کوئی تعلق کائنی،بھارت جنگی جنون اچ اے اتے میکوں شق اے جو انتخابات توں پہلے کجھ نہ کجھ تھی سگدے،پاکستان بین الاقوامی مالیاتی فنڈ نال معاہدے دے نیڑے پج گئے ،میکوں یقین اے جو ایں واری پاکستان چھیکڑی واری آئی ایم ایف ڈے ویسی۔انہاں اے گالھ برطانوی اخبار ر ”فنانشل ٹائمز“ کوں انٹرویوڈیندیں ہوئیں آکھی۔ہک سوال دے جواب اچ انہاں آکھیا جو جڈاں پلوامہ واقعہ تھیا تاں مودی حکومت اونکوں جنگی جنوب سانگے استعمال کیتا،بھارتی عوام کوں اے احساس ہوونڑا چاہیدے جو ایں سارا کجھ الیکشن جتنڑ سانگے ہئی ،ایں دا برصغیر دے حقیقی مسلے نال کوئی تعلق کائنی۔انہاں آکھیا جو 19سال دے چھوکرے پلوامہ اچ خودکش حملہ کیتا جئیں دا تعقل مقبوضہ وادی توں ہئی ،اوندے ماءپیو دا آکھنڑ ہئی جو سکیورٹی فورسز بدسلوکی نال اینکوں شدت پسند بنڑائے جڈانجو پلوامہ حملہ بھارتی شہری کیتا جئیں اچ بھارتی گاڈی اتے بھارتی دھماکہ خیز استعمال تھیا،ولا حملے دا الزام پاکستان تے کیوں لاتا ویندا پے ۔انہاں آکھیا جو پاکستان اپنڑی سرزمین تے دہشت گرداں دے گروپاں کوں منظم کائنا تھیونڑ ڈیسی۔ہک سوال دے جواب اچ انہاں آکھیا جو چین نال پاکستان دے چنگے تعلقات ہن اتے اے تاثر غلط اے جو پاکستان سی پیک دے تحت چین دی ہک طفیلی ریاست بنڑ گئے ۔
