وزارت خارجہ دا تصدیق دے روایتی نظام کوں ڈیجیٹلائز کرنڑ دا فیصلہ

اسلام آباد ۔ 4 مارچ (اے پی پی) وزارت خارجہ قونصلر خدمات اچ بہتری گھن آونڑ کیتے تصدیق دے روایتی نظام (مینول) کوں ڈیجیٹلائز کرنڑ دا فیصلہ کیتے ۔ دفترخارجہ ولوں سنوار کوں جاری تفصیل دے مطابق ابتدائی طورتے اج منگل 5مارچ توں ہیڈکوارٹرز اچ ڈیجیٹل کیوآرکوڈسسٹم دا آغاز کیتا ویسی، بعداچ سارے کیمپ آفسسز اچ کیوآرکوڈسسٹم دا نفاذ عمل اچ گھن آیا ویسی ۔ کیوآرکوڈ سسٹم استعمال اچ ڈیجیٹل تصدیق دا سہل نظام اے،ایں نظام دے ذریعے کیو آرکوڈسسٹم دے تحت کاغذات تے دستاویزات دی تصدیق کیتی ویسی جیں نال نقلی دستاویزات تے کاغذات دی تصدیق کوں ختم کرنڑ اچ وی مدد مل ویسی ۔ایں نظام نال کاغذ دے بغیر تصدیقی عمل کوں اگی تے ودھایا ویسی ۔دفترخارجہ مزید معلومات تے معانت کیتے ویب سائیٹ www.mofa.gov.pk یا ٹیلی فون نمبر 05190569524 تے رابطہ کرنڑدی ہدایت کیتی اے ۔