اسلام آباد ۔ 4 مارچ (اے پی پی) وفاقی وزیر ریلوے شیخ رشید احمد آکھیا جو وزیراعظم عمران خان بھارت نال کشیدگی کوں گھٹ کرنڑ دا وڈا فیصلہ گھن کراہیں امن پسند قوم دے قائد ہوونڑ دا ثبوت ڈتے،پاکستان کشمیری بھینڑ بھراواں دی جدوجہد آزادی دی اخلاقی،سیاسی اتے سفارتی حمایت جاری رکھیسی،بھارت کشمیری عوام دی تحریک آزادی کوں دبا نی سگدا۔ہک نج ٹی وی چینل نال گالھ مہاڑ کریندیں ہوئیں انہاں آکھیا جو اے پاکستان دا فرض اے جو او اپنڑے کشمیری بھینڑ بھراواں نال کھڑا تھیوے،پاکستان کشمیریاں دی جدوجہد آزادی دی اخلاقی،سیاسی اتے سفارتی حمایت کریندا رہسی۔
