اسلام آباد ۔ 5 مارچ (اے پی پی) وزیراعظم عمران خان کوڑی شہادت ڈیونڑ آلیں کوں سزا ڈیونڑ دے حوالے نال چیف جسٹس آف پاکستان جسٹس آصف سعید خان کھوسہ دے بیان دا خیرمقدم کریندے ہوئیں آکھیے جو ”سچے پاسے دا سفر “ اصل اچ نویں پاکستان دے پاسے پیش قدمی اے۔ منگل کوں اپنڑے ٹویٹ پیغام اچ انہاں آکھیا جو اپنڑے اعلیٰ اقدار دے نظام دی بنیاد تے ہی قوماں عظیم بنڑدن ۔ وزیراعظم آکھیا جو مسلم تہذیب دی بنیاد ریاست مدینہ ہئی جتھاں سچائی ہک بنیادی اصول ہئی ۔
