غلنئی۔ 15 مارچ (اے پی پی)وزیرِ اعظم عمران خان کوں قبائلی علاقہ جات (سابقہ فاٹا) دے صوبہ خیبر پختونخوا اچ انضمام بارے انتظامی اصلاحات اتے سکیورٹی دی صورتحال تے بریفنگ ڈتی گئی ۔ایں بارے وزیراعظم عمران خان دی صدارت اچ مہمند دے ہیڈ کوارٹر غلنئی اچ اجلاس تھیا۔ گورنر خیبر پختونخواہ شاہ فرمان، وزیرِ اعلیٰ محمود خان، وزیر مواصلات مراد سعید، وزیر برائے امور کشمیر علی امین گنڈا پور، وزیرِ مذہبی امور پیر نورالحق قادری، وزیرِ اعظم دے مشیر محمد شہزاد ارباب، وزیرِ مملکت شہریار خان آفریدی ، کور کمانڈر پشاور، ایڈیشنل چیف سیکرٹری خیبر پختونخواہ اتے آئی جی ایف سی بریفنگ اچ موجود ہن ۔ایں موقع تے وزیراعظم عمران خان آکھیا جو انضمام تھیے علاقیاں اچ عدالتی نظام بہوں اہمیت رکھیندے،ایں گالھ کوں یقینی بنڑایا ونجے جو انظمام تھیے علاقیاں دے ترقیاتی منصوبیاں کوں کرپشن توں پاک رکھیا ونجے اتے فنڈز دی منصفانہ ونڈ کیتی ونجے۔
