اسلام آباد ۔ 12 مارچ (اے پی پی) وزیر اعظم عمران خان جاپانی حکومت دے پاکستان نال رابطے ودھاونڑ اتے پاکستان اچ وسیع سرمایہ کاری اچ جاپانی کمپنیاںد ی معاونت دے فیصلہ داخیرمقدم کریندے ہوئیں آکھیے جو موجودہ حکومت کاروبار یار ماحول یقینی بناونڑاتے کاروبار اچ آسانی پیداکرنڑ سانگے مختلف اقدامات کریندی پئی ہے۔ وزیراعظم ایہ گالھ مٹسوبشی کارپوریشن جاپان دے وفد نال گالھ مہاڑکریندے ہوئیں آکھی۔ کارپوریشن دے سینئر نائب صدر/چیف ایگزیکٹو کیمی ہیدی اینڈودی سربراہی اچ منگل کوں وزیراعظم آفس اچ عمراں خان نال ملاقات کیتی۔ پاکستان اچ کنٹری ہیڈ اتسوشی فیوجی، جنرل مینجر کینی چیرو اتے بئے عہدیدار وی انہاں دے کٹھے ہن ۔ ایں موقع تے وزیراعظم دے مشیر عبدالرزاق داﺅد، چیئرمین انرجی ٹاسک فورس ندیم بابر اتے سینئر حکام وی موجود ہن۔ مٹسوبشی کارپوریشن دے سینئر صدر وزیر اعظم کوں پاکستان نال کارپوریشن دی منافع بخش کاروباری منصوبیں دی حامل 6 دہائیاں دی پرانڑیں یاری بارے ڈسایا ۔ ایں دوران وزیر اعظم غیر ملکی سرمایہ کاراں سانگے چنگاکاروبار ماحول کوں یقینی بناونڑ اتے کاروبار اچ آسانی پیدا کرنڑ سانگے کیتے گئے مختلف اقدامات کوں اجاگر کیتے۔
