اسلام آباد ۔ 28 مارچ (اے پی پی) وزیر خارجہ شاہ محمود قریشی آکھیا جو سی پیک اتے بی آر آئی مسابقتی منصوبے نی ، سی پیک ،بی آر آئی دا فلیگ شپ منصوبہ اے،انہاں منصوبیاں نال ڈوہیں برادرملکاں اچ تعلقات بئے پکے تھیسن۔خمیس کوں چینی ٹی وی چینل کوں انٹرویو اچ انہاں آکھیا جو مستقبل مزاجی،اعتماد اتے ہر حالت اچ ہک ڈوجھے دے رلے کھڑنڑ،پاک چین پرانڑے تعلقات دی وجوہات ہن ،جئیں کوں حکومت بیا پکا کریسی۔ہک سوال دا جواب ڈیندیں ہوئیں آکھیا جو وزیرخارجہ سی پیک تے خصوصی اقتصادی زونز بنڑائے گئن جئیں دا مقصد نہ صرف ڈو پاسہ سرمایہ اکری ودھسی جڈانجو سی پیک اچ بئے ملکاں نال غیر ملکی سرمایہ کاری کوں وی دعوت ڈیونڑ اے۔
