اسلام آباد ۔ 26 مارچ (اے پی پی) وزیر خارجہ شاہ محمود قریشی آکھیے جو پاکستان کیوبا دے نال صحت، تعلیم اتے ثقافت دے شعبیں اچ تعاون ودھانڑ چاہندے۔ ایہ گالھ انہاں پاکستان اچ تعینات کیوبا دے سفیر گیبریل ٹیل کیپوٹے نال ملاقات دوران آکھی ۔ ملاقات منگل کو وزارت خارجہ اچ تھئی۔ ایں دوران ڈوطرفہ تعلقات اتے اہم علاقائی تے سانجھی دلچسپی دے امور تے گالھ مہاڑ کیتی گئی۔ وزیر خارجہ آکھیا جو سماجی تے اقتصادی ترقی اساڈی حکومت دا ترجیحی ایجنڈا ہے۔ایں موقع تے پاکستان اتے کیوبا وچال پارلیمانی وفود دے تبادلیاں تے وی اتفاق کیتا گیا۔ کیوبا دے سفیر وزیر خارجہ کوں یقین ڈیوایا جو انہاں دی حکومت پاکستان دے نال ہیلتھ کیئر سمیت بئے سانجھی دلچسپی دے شعبیں اچ تعاون سانگے سارے ممکنہ اقدام کریسی۔
