اسلام آباد ۔ 07 مارچ (اے پی پی) پاکستان اتے سعودی پاک سعودی سپریم رابطہ کونسل دے تحت ڈوپاسہ اقتصادی، سیاسی اتے سکیورٹی بارے تعاون کوں ودھاونڑ بارے معاملیاں کوں معینہ مدت دے اندر پورا کرنڑ تے اتفاق کیتے۔اے اتفاق وزیر خارجہ شاہ محمود قریشی نال سعودی وزیر مملکت برائے خارجہ امور عادل الجبیر نال خمیس کوں ملاقات اچ طے تھیا۔۔ دفتر خارجہ دے ترجمان دے مطابق سعودی عرب دے وزیر مملکت برائے خارجہ امور ڈو ڈینھ دے دورے تے پجیے۔ وزارتِ خارجہ آونڑ تے وزیر خارجہ مخدوم شاہ محمود قریشی اپنڑے سعودی ہم منصب دا خیر مقدم کیتا۔سعودی وزیر مملکت برائے خارجہ امور سعودی ولی عہد شہزادہ محمد بن سلطان دی ہدایت تے پاکستان تشریف گھن آئے۔دفتر خارجہ دے ترجمان دے مط ابق انہاں دے دورے دا مقصد پاکستان اتے بھارت اچ تناﺅ دی فضاءکوں معمول تے گھن آونڑ اے۔ملاقات اچ پاک بھارت کشیدگی اتے خطے اچ امن و امان دی صورتحال سمیت ڈوپاسہ دلچسپی دے معاملیاں تے گالھ مہاڑ کیتی گئی ۔۔سعودی وزیر مملکت برائے خارجہ امور عادل الجبیر ’ وزیر خارجہ مخدوم شاہ محمود قریشی کوں ڈوہیں ملکاں اچ اقتصادی تصفیہ طلب معاملیاں کوں پر امن طریقے نال حل کراونڑ بارے سعودی حکومت ولوں پورے تعاون دا یقین ڈوایا۔
