اسلام آباد ۔ 26 مارچ (اے پی پی) وزیر خارجہ مخدوم شاہ محمود قریشی آکھیے جو پاکستان مقبوضہ جموں و کشمیر دے نہتے لوکاں تے کیتے ونجنڑ آلے ظلم دے خلاف ہر سطح تے آواز چیندا رہ ویسی ، پلوامہ واقعے دے بعد مقبوضہ جموں و کشمیر اچ جاری بھارتی طلم دی شدت اچ ودھارا تھی گے۔اے گال انہاں ممبر یورپین پارلیمنٹ واجد خان اتے پاک یورپین یونین فرینڈشپ فیڈریشن دے چیئرمین پرویز لوسر نال گال مہاڑ کریندے ہوئیں آکھی اے جنہاں وزارتِ خارجہ اچ انہاں نال ملاقات کیتی۔ملاقات اچ مقبوضہ جموں و کشمیر اچ جاری بھارتی ظلم تے انسانی حقوق دیاں سنگین خلاف ورزیاں دے حوالے نال گال مہاڑ تھئی ۔ڈوہیں معزز مہماناں یورپین پارلیمنٹ دی ہیومن رائٹس کمیٹی اچ مقبوضہ جموں و کشمیر اچ انسانی حقوق دیاں پامالیاں متعلق سماعت دی تفصیلات دا وی وزیر خارجہ کوں ڈسایا ۔ ایں موقع تے وزیر خارجہ مخدوم شاہ محمود قریشی نہتے کشمیریاں تے جاری سنگین ظلم کوں یورپین پارلیمنٹ اچ چاونڑ تے واجد خان دا بالخصوص اتے کشمیری تارکینِ وطن دا بالعموم شکریہ ادا کیتا ۔
