اسلام آباد ۔ 4 مارچ (اے پی پی) وزیر خارجہ مخدوم شاہ محمود قریشی آکھیے جو دنیا تے نشابر تھی گئے جو پاکستان خطہ اچ امن چاہندے۔ سنوار کوں وزارت خارجہ اچ اہم مشاورتی اجلاس دی صدارت کر یندے ہوئیں انہاں ایہ گالھ آکھی۔ اجلاس اچ سیکرٹری خارجہ تہمینہ جنجوعہ، سابق سیکرٹریز خارجہ، سفیراتے وزارت خارجہ دے اعلیٰ حکام شریک ہن۔ دوران اجلاس پاک۔بھارت کشیدگی سمیت اہم سفارتی امور تے خیالیں دا تبادلہ کیتا گیا ۔ ایں موقع تے وزیر خارجہ آکھیا جو دنیا تے نشابر تھی گئے جو پاکستان خطہ اچ امن چاہندے، اساں مقبوضہ جموں تے کشمیر اچ جاری بھارتی ظلم دے خلاف او آئی سی دی قرارداد دا خیرمقدم کریندوں۔ اجلاس دے شرکاءبہترین سفارتکاری تے وزیر خارجہ کوں مبارخباد ڈتی۔ اجلاس اچ بہترین حکمت عملی سانگے مشاورتی اجلاساں دا سلسلہ مسلسل جاری رکھنڑ تے اتفاق کیتا گئے ۔
