اسلام آباد ۔ 21 مارچ (اے پی پی) سنٹرل ڈویلپمنٹ ورکنگ پارٹی دے اجلاس اچ 91 کروڑ روپے لاگت دے 2 منصوبے منظور جڈاں جو 96 ارب روپے لاگت دے 3 منصوبے منظوری سانگے ایکنک کوں بھجوا ڈتے گن۔ سنٹرل ڈویلپمنٹ ورکنگ پارٹی دے اجلاس وزارت مواصلات دے مغربی روٹ کوئٹہ ژوب سیکشن دا منصوبہ منظور کر گھدے۔ سنٹرل ڈویلپمنٹ ورکنگ پارٹی دا اجلاس ڈپٹی چیئرمین تے وفاقی وزیر منصوبہ بندی، ترقی تے اصلاحات مخدوم خسرو بختیار دی صدارت اچ خمیس کوں تھیا۔ اجلاس اچ سیکرٹری منصوبہ بندی ظفر حسن ، وفاقی وزارتاں اتے صوبائی محکماں دے اعلی حکام شرکت کیتی۔ ایں موقع تے وفاقی وزیر آکھیا جو مغربی رستے بنڑاونڑحکومت دی پہلی ترجیح ہے اتے پسماندہ علاقیاں دی سماجی تے معاشی ترقی سانگے حکومت پر عزم ہے۔ ایں دوران پاور ڈویژن ولوںگوادر دے علاقے مکران کو ںپاکستان دے قومی گرڈ سسٹم نال ملاونڑ سانگے 17421.44 ملین روپے دی لاگت دا منصوبہ پیش کیتا گیاجینکوںمنظوری سانگے ایکنک کوں بھجوا ڈ تا گئے۔ وفاقی وزیر دا آکھنڑ ہا جو گوادر دی ترقی سانگے ا یہ ہک اہم منصوبہ ہے جینکوں مکمل کرنڑ اتے بجلی ڈیونڑ یقینی بنڑائی ویسی ۔
