وفاقی وزیر اطلاعات و نشریات چوہدری فواد حسین داجہلم اچ ”پلانٹ فار پنجاب“ دے تحت شجر کاری مہم دی افتتاحی تقریب نال خطاب

اسلام آباد ۔ 21 مارچ (اے پی پی) وفاقی وزیر اطلاعات و نشریات چوہدری فواد حسین آکھیے جو نواز شریف تے آصف زردی کرپشن دی فصل کوں اتنا پانڑیں ڈتے جو او ہنڑ ہک وڈا ونڑ بنڑ گئے ‘ نواز شریف 300 ارب روپے کرپشن دے نال جیل اچ ہن جڈاں جو آصف علی زرداری وی وختی اتنی ہی 300 ارب روپے دی کرپشن دے کیس اچ جیل اچ ہوسن ‘بلاول بھٹو اتے مریم نواز دی اپنڑی کمائی تاں کائنی او اپنڑے ماءپیو دی کرپشن دے پیسے تے سیاست کریندے پن انہاں ڈوہیں دی سیاست ،ابو بچاﺅ تئیں محدود اے ‘ وزیراعظم عمران خان اتے پی ٹی آئی کرپشن دیاں دیواراں کوں جیرھا دھکا ڈتے ایندے تے کڈاہیں وی عمارت تعمیر کائناں تھی سگسی ‘بھارتی عدالت توں سمجھوتہ ایکسپریس کیس اچ ملوث دہشت گرداں کوں رہا کرنڑ انصاف دے منہ تے چماٹ اے ‘سعودی عرب اتے یو ای اے دے سربراہیں دے بعد ملائیشا دے وزیراعظم پاکستان دے دورہ تے آندے پن ،گذریل دور دی سیکورٹی ریاست دے ویزہ رجیم کوں یکسر تبدیل کر تے دنیا کیتے پاکستان کوں کھول ڈتا گے،بھارت دا عدالتی سسٹم دہشت گرداں کیتے ڈرائی کلینر سسٹم بنڑ گئے ۔وفاقی وزیر اطلاعات خمیس کوں جہلم اچ جنگلات دے عالمی ڈینھ دے موقع تے ”پلانٹ فار پنجاب“ دے تحت شجر کاری مہم دی افتتاحی تقریب نال خطاب کریندے پے ہن ۔کمشنر راولپنڈی جودت ایاز‘ ڈی سی جہلم سیف انور جپہ‘ سٹیشن کمانڈر جہلم‘ بریگیڈیئر وقاراحمد ‘چیف کنزرویٹر آفیسر جنگلات اطہر شاہ گھگا‘ ڈی پی او جہلم‘ اے ڈی سی جی جنرل جہلم سمیت بئے حکام ایں موقع تے موجود ہن۔ وفاقی وزیر اطلاعات و نشریات چوہدری فواد حسین ایں موقع تے بوٹا لاتے شجر کاری مہم دا باقاعدہ آغاز کیتا۔وفاقی وزیر چوہدری فواد حسین آکھیے جو اج جنگلات دا عالمی ڈینھ اے ایں حوالے نال جہلم اچ ساریں توں وڈا رقبہ جہلم اچ ہے جتھاں بوٹے لاونڑ دی مہم دا آغاز تھی گے ۔193ایکڑ جاہ تے قبضہ تھیا ہئی ضلعی انتظامیہ کوں مبارخ ڈینداں جنہاں قبضہ خالی کرائے اتھاں جنگلات لاتے ویسن ۔ایندے توں پہلے وفاقی وزیر اطلاعات و نشریات چوہدری فواد حسین محکمہ جنگلات ‘زراعت ‘ریسکیو 1122‘ سٹی ٹریفک پولیس ‘ضلعی پولیس ‘سول ڈیفنس ‘سوشل ویلفیئر ‘پاپولیشن ڈیپارٹمنٹ ‘لائیو سٹاک سمیت بئے اداریں ولوں لاتے گے سٹال دا وی دورہ کیتا جتھاں انہاں اپنڑے اپنڑے اداریں دے امور متعلق انہاں کوں بریفنگ ڈتی ۔