اسلام آباد ۔ 4 مارچ (اے پی پی) وفاقی وزیر امور کشمیر علی امین گنڈاپور سنوار کوں ہٹیاں بالا اچ کنٹرول لائن متاثرین کیمپ دا دورہ کیتا۔ ایں موقع تے انہاں آکھیے جو حکومت متاثرین دی مکمل مدد کریسی۔ایل او سی دے سارے متاثرین کوں بے نظیر انکم سپورٹ کارڈر ڈتے ویسن۔ علی امین گنڈاپور آکھیے جو حکومت ایل او سی تے رہونڑ آلے خانداناں کو ں انصاف صحت کارڈ وی فراہم کریسی۔ وفاقی وزیر متاثرین سانگے قائم میڈیکل کیمپ دا وی دورہ کیتا۔ انہاں آکھیے جو کیمپ اچ متاثرین کو ں ساری طبی سہولتاں ڈتیاں ویندیاں پن۔ علی امین گنڈاپور متاثرین کوں بہتر طبی سہولتاں فراہم کرنڑ دی ہدایت کیتی ہے۔ انہاں آکھیے جو وفاقی حکومت متاثرین دے مالی نقصا ن داازالہ کریسی۔ انہاں آکھیے جو ایل او سی دے نیڑے موجود سڑکاں دی بحالی ترجیحی بنیاد تے کیتی ویسی ۔
