اسلام آباد ۔ 20 مارچ (اے پی پی) پاکستان اچ رومانیہ دے سفیر نیکولا گویا انسانی حقوق دے فروغ اتے تحفظ سانگے کیتے گئے اقدامات تے حکومت پاکستان ،خاص کر وزارت انسانی حقو ق دی کوششاں دی تعریف کیتی ہے ۔ انہاں آکھیے جوموجودہ حکومت ولوں انسانی حقوق دے تحفظ سانگے اقدامات تعریف دے قابل ہن۔ ایہ گالھ انہاں بدھ کوں وفاقی وزیر انسانی حقوق ڈاکٹر شریں مزاری نال اسلام آباد اچ ملاقات دوران آکھی ۔ ملاقات اچ انسانی حقوق دے تحفظ خاص کر بالاں،تریمتیں اتے اقلیتاں دے تحفظ اتے فروغ دے حوالے نال مختلف امور تے گالھ مہاڑ کیتی گئی ۔ ایں موقع تے شیریں مزاری رومانیہ دے سفیر کوں ملک اچ انسانی حقوق دے فروغ اتے تحفظ سانگے کیتے گئے مختلف اقدامات بارے ڈسایا ۔ انہاں دا آکھنڑ ہا جو بالاں، تریمتیں، معذواں اتے اقلیتاں دے حقوق داتحفظ کرنڑ اساڈی حکومت دی پہلی ترجیح ہے۔
