اسلام آباد ۔ 5 مارچ (اے پی پی) کابینہ دی اقتصادی رابطہ کمیٹی (ای سی سی) وزارت داخلہ دے مختلف منصوبیں کیتے 76 کروڑ 88 لکھ روپے توں ودھ تے پاکستان بنڑاﺅسرٹیفیکیٹس کیتے بینکاں دے کنسورشیم دی خدمات حاصل کرنڑ کیتے 18 کروڑ روپے دی ٹیکنیکل سپلیمنٹری گرانٹ دی منظوری ڈے ڈتی ۔ ای سی سی دا اجلاس منگل کوں وفاقی وزیر خزانہ اسد عمر دی زیر صدارت تھیا ۔ اجلاس اچ وزارت داخلہ ولوں مختلف سہولتاں دی تعمیر و مرمت کیتے ٹیکنیکل سپلیمنٹری گرانٹ فراہم کرنڑدی تجاویز پیش کیتی گئی ہئی۔ اے سپلیمنٹری گرانٹ اسلام آباد ہائی کورٹ اچ سی سی ٹی وی کیمریں دی مرمت تے تبدیلی، اسلام آباد کیپیٹل ٹیریٹری اچ سیکورٹی وہیکلز دے خرچے ، ای۔پاسپورٹ پراجیکٹ اتے بجلی دے بلاں دی ادائیگی متعلق اے۔ ای سی سی وزارت بحری امور ولوں پورٹ قاسم تے ودھیک ایل این جی ٹرمینل قائم کرنڑدی تجویز دا جائزہ گھدا تے ہدایت کیتی جو ایں معاملے تے کم دی رفتار تکھی کیتی ونجے تے آندے موسم پالے توں پہلے نویں ٹرمینل دے سارے تقاضے پورے کیتے ونجن ۔ ای سی سی مٹیاری ڈسٹرکٹ اچ فضل فیلڈ توں 9 ایم ایم سی ایف ڈی گیس سوئی سدرن گیس کمپنی لمیٹڈ کیتے مختص کرنڑدی وی منظوری ڈتی ۔اجلاس اچ پاکستان بنڑاﺅ سرٹیفیکیٹس کیتے بینکاں دے کنسورشیم دی خدمات حاصل کرنڑدے سلسلے اچ 18 کروڑ روپے دی ٹیکنیکل سپلیمنٹری گرانٹ دی وی منظوری ڈتی۔
