اسلام آباد ۔ 12 مارچ (اے پی پی) وفاقی وزیر صحت عامرمحمود کیانی آکھیے جوحکومت دی غیر نصابی سرگرمیاں دے ودھارے تے خصوصی توجہ ہے ،تاں جو طلبہ اتے نینگر معاشرے اچ صحت مند زندگی گزار سگن ۔انہاں آکھیے جوصحت مند معاشرے سانگے کھیڈاتے گراﺅنڈ آباد تھیونڑ ضروری ہن،تاں جو نینگر نسل صحت مندانہ سرگرمیاں اچ شامل تھی تے ملک تے قوم سانگے اپنڑاں کردار ادا کرے اتے منفی سرگرمیاں مکنڑتعلیم بغیر کوئی معاشرہ ترقی نی کر سگدا،ایں سانگے نینگراں دی نسل کوں تعلیمی میدان اچ وی چنگی محنت کرنڑ پوسی ۔ اے گالھیں انہاں اپنڑے حلقے این اے 61 راولپنڈی اچ گورنمنٹ ویمن کالج اچ سالانہ سپورٹس ڈے دی تقریب تقسیم انعامات نال خطاب کریندے ہوئیں آکھی ۔ وزیر صحت آکھیے جو حکومت صحت دے شعبے دی چنگائی سانگے ڈینھ رات کوششاں کریندی پئی ہے۔ وزیراعظم عمران خان دے وژن مطابق تعلیم اتے صحت دا شعبہ اساڈی پہلی ترجیح ہے، ایں سلسلے اچ سارے وسائل استعمال کیتے ویندے پن۔
