اسلام آباد ۔ 4 مارچ (اے پی پی) پارلیمانی امور دے وزیر مملکت علی محمد خان آکھیے جو عالمی سطح تے وزیراعظم دی خدمات دے اعتراف اتے نوبل انعام ملنڑ نال اساں ساریاں دی عزت ہو سی۔ سنوار کوں سینٹ اجلاس دوران سینیٹر مولانا عبدالغفور حیدری دی تنقید دا جواب ڈیندے ہوئیں انہاں آکھیے جواساں سارے انسان ہسے، وفاقی وزیر فیصل واوڈا توں پروگرام دوران غلطی تھئی جیندے تے انہاں معذرت کیتی ہے، اساں ساریاں دے وڈیریاں دا یقین ہے جو حضرت محمد خاتم الانبیاءہن ۔ انہاں آکھیے جو بھارت دے نال کشیدہ صورتحال دوران اساں ساریاں ہک مٹھ تھی تے وزیراعظم پاکستان عمران خان دا ساتھ ڈتا۔ انہاں آکھیا جو پارلیمنٹ سانجھا پیغام ڈتا جواساں امن چاہندوں، جنگ نی چاہندے، اساںبھارتی جہازڈھا تے پائلٹ واپس بھیجے۔
