اسلام آباد ۔ 13 مارچ (اے پی پی) صدر مملکت ڈاکٹر عارف علوی آکھیا جو پاکستانی قوم آزمائشاں توں لنگھ کراہیں چنگی قوم بنڑنڑ آلے پاسے ویندی پی اے،گزریل40,30سال اچ پاکستان جیڑھے دور توں گزریے اوں توں پاکستان دی عوام بہوں کجھ سکھیے،ایں قوم اتے قیادت پچھلے مہینے جیڑھے فیصلے کیتن ایں تے اللہ سئیں دا شکریہ ادا کرینداں،علم دی بنیاد تے معاشرے اچ چنگائی کھنڈاونڑ ابدی اے،ہمدردی اتے احساس توں عاری علم بے سود اے۔او بدھ کوں بین الاقوامی اسلامی یونیورسٹی دے کانووکیشن توں خطاب کریندے پے ہن ۔اپنڑے خطاب اچ انہاں آکھیا جو اساں سمجھدوں جو تعلیم ہر چیز دا حل اے،معاشرے اچ کڈاہیں کڈاہیں والدین دی تربیت دا فقدان نظر امدے،میں والدین دا شکر ادا کرینداں جو او تساں کوں اتھاں گھن آئے اتے تساں تے خرچ کیتا۔انہاں آکھیا جو علم حاصل کرنڑ دا عمل پوری زندگی جاری رہندے اتے کڈاہیں پورا نی تھیندا۔انہاں آکھیا کمزور معاشریاں اچ آدمی اپنڑے آپ کوں کلھا محسوس کریندے۔صدر طلباءکوں مخاطب کر تے آکھیا جو جیڑھی امانت تساں کوں پاکستان اتے انٹرنیشنل اسلامک یونیورسٹی ڈتی اے ،اوندا احسان تساں لہاونڑاں اے۔
