پاکستان اتے سعودی عرب وچال مستحکم تعلقات ہین،مسلح افواج دی پریڈ اچ سعودی عرب دے دستے دی شرکت تے سعودی عرب دا شکریہ ادا کریندے ہیں، ڈائریکٹر جنرل آئی ایس پی آر ،میجر جنرل آصف غفور

اسلام آباد ۔ 23 مارچ (اے پی پی) پاک فوج دے ترجمان میجر جنرل آصف غفورآکھیے جو پاکستان اتے سعودی عرب وچال مستحکم تعلقات ہین،مسلح افواج دی پریڈ اچ سعودی عرب دے دستے دی شرکت تے سعودی عرب دا شکریہ ادا کریندے ہیں۔یوم پاکستان تے پریڈ گراﺅنڈ اچ میڈیا نال الویندے ہوئیں ڈائریکٹر جنرل آئی ایس پی آر ،میجر جنرل آصف غفورآکھیے جو پاکستان اتے سعودی عرب دے تعلقات ہر لحاظ نال مستحکم ہین،مسلح افواج دی مشترکہ پریڈ اچ سعودی عرب سودھے بئے سنگتی ملکاں دے دستیاں دی شرکت نال ہر پاکستانی خوش اے ۔انہاں ٓکھیے جو وڈیاں مصروفیات دے باوجودوی بری فوج ،پاک فضائیہ اتے پاک بحریہ شاندار پریڈ منعقدد کیتی اے،جیندے اچ دوست ممالک دے دستیاں دےا ٓونڑ تے اساں شکریہ ادا کریندے ہیں۔