اسلام آباد ۔ 16 مارچ (اے پی پی) وزیر اطلاعات پنجاب سید صمصام علی بخاری آکھیے جو پاکستان تحریک انصاف دی حکومت بدعنوانی تے زیرو ٹالرنس پالیسی اپنائی ہوئی اے۔ہک نجی ٹی وی چینل نال الویندے آکھیے جو اساں ملک توں بدعنوانی کوں منڈھو مکاونڑچاہندے ہیں،ایں سانگے باہرلے ملکاں توں پاکستان توں لٹی گئی وڈی رقم وصول کیتی گئی اے۔ انہاںا ٓکھیے جو اجوکی حکومت اچ کرپشن دا کوئی ہک وی کیس سامنڑے نئیں آیا جیہڑا ثبوت اے جو موجودہ حکومت کتنی شفافیت نال چلدی پئی اے۔انہاں آکھیا جو اجتماعی فیصلے ہمیشہ جمہوری نظام اچ کیتے گین، ایں سانگے حکومت قومی معاملات تے سارے فریقاں نال صلاح مشورے کریندی پئی اے۔ انہاں صوبائی اسمبلی دے اراکین دیاں برابر تنخواہیں کیتے ہک بل وی متعارف کراونڑ تے زور ڈتے۔
